Amedyaz_amazigh

Taddagt nw awal ( i Itrinit )

Taddagt nw awal ( i Itrinit )

Taddagt nw awal
Ur tgi tin iffus
ur tgi tin tagut
Ur tnt izzr ufus
Taqburt ifd n tasut
Ur tnt tsli tzwayt
Takrrayt n tkurayt
Ur tmmghi ghw akal

Afraw ns anaruz
Arraw ns win tumrt
Taddagt ad n tudrt
Ur tlli gh umdduz

Ur ar tssa s unzar
Urin n ul as tswa
Ur tnt yut uznzar
Tulwa trwa tzuzwa
Tammut ns asafar
N unzgum amakrar

Irghud i mafawal
Lli yufn mafaman
Igh km ufan a taddagt
N tussna tawaggagt
Kmmin ad ittghawal
Ad as ijji iman

Zalhoud :tajdigt:  :merci: