Amedyaz_amazigh

Tanzruft ( Tarzzift i Mostafa Houmir )

Tanzruft


Tarzzift i Mostafa Houmir





Saw is rann ghinn taft aman ?
Sawl d ill war tisnt war islman
Igudi ghw adu timqqa n umlal
Tirghi tafukt tqqd isk afal azal

Saw is rann ghinn taft afgan ?
Sawl d ucfud asnnan d ifrgan
Annli immuti s ul lluzzan ifalan
Urin gh unzgum azwag gh izlan

Saw is rann ghinn taft tumrt
Sawl d uzugn mi tghzzif tudrt
Aghrum gw awlk aghruc n twada
Anaruz issuda
War tawda
Amadal am iga
Takmda

Rann ghinn taft aman
Rann ghinn taft afgan
Rann ghinn taft tumrt

Tanzruft
Tga
Tasnbaghurt


Farid Mohamed Zalhoud